Kooxda wadaniga ee Qeylodhaan ayaa soo saartey markale hees cusub oo lagu weyneynayay habenkii 50 guuradii Calanka Soomaaliya oo ku beegnayd 1 July 2010, heestaan cajiibka ah waxaa miraheeda sameeyay sida uu ii sheegay abwaan Cabdi Shire Jaamac ‘’ Ciyaar jecel’’ Gabar Soomaaliyeed oo degan magaalada London lana yiraahdo Ruqiyo .H. Maxamed.
Waxaa heesta sida wadajir ah u qaadaya fanaaniinta kooxda Qeylodhaan, sida Cali Xasan Warsame, Jooqle Shire Jaamac , Xuseen Shire Jaamac ‘’Ciyaar jecel’’ iyo Shamso Mohamed Foot,islamarkaana waxaa Laxanka saarey fanaan laxamiiste Jooqle Shire Jaamac, Musikada waxaa u tumey musikiiste Maxamuud Maxamed Karaama.
Heeska 50 guuraddii Calanka oo aan hubo inaad ka wada heli doontaan markaad dhagahiina ku maqashaan indhahiinana ku daawataan ayaa ku bilaabaneysa erayadaan: ‘’Calankii sareeyey, rabigeen na siiyay, lixdenkii la saarey’’.
Kooxda Qeylodhaan waxaa sharaf u ah inaad ka gudoontaan heestan cusub Soomaaliyeey meel kasto aad ka joogtaan dunida, balse waxaa waajib ah inaad dhab u qaadataan fariinta muga weyn ay heestan xambaarsan tahey hadii Eebe idmo.
Soomaaliya Hanoolaato, Dalka Soomaaliya Soomaali baa leh, Guuleysta.
HEESTA HALKAN KA DAAWO: http://www.youtube.com/watch?v=df5UXO8Tmno
W/D: Yusuf Yusuf
London
Printable version
Email this to a friend 
